Москва – Соединетите држави треба да ја почитуваат Резолуцијата 1244 и да се воздржат од политиката на дополнително вооружување на Приштина, објави Амбасадата на Руската Федерација во Вашингтон.
„Ги повикуваме Соединетите држави строго да ја почитуваат Резолуцијата 1244 и да се откажат од политиката на пумпање на Приштина со воена опрема и оружје“, стои во пораката објавена на руската амбасада на Твитер.
Амбасадата исто така наведува дека ваквите провокативни чекори ги поткопуваат напорите за решавање на косовското прашање и зголемување на меѓуетничките и меѓуверските тензии.Пред неколку дена, САД донираа нови оклопни возила М-1117, познати и како „Гардијан“, на безбедносните сили на Косово.
Веста за донацијата на оклопни возила ја објави Министерството за одбрана во Приштина, а ресорниот министер Арменд Мехај ја посети касарната во Урошевац, со цел да биде информиран за таа донација, како што беше соопштено.
🔻
Призываем США строго соблюдать резолюцию СБ ООН 1⃣2⃣4⃣4⃣. Отказаться от политики накачки Приштины военной техникой и оружием. Подобные шаги подрывают усилия по косовскому урегулированию. Повышают межэтническую и межконфессиональную напряженность.
🔻 pic.twitter.com/gIZEIPptEH— Пос-во России🇷🇺 в США (@RussiaInUSA) June 8, 2021