На најмалку две земји од Западен Балкан повторно им се ветува „морков“ во вид на влез во ЕУ. Точно, повторно не ги именуваат точните датуми кога тоа може да се случи. Тоа се Македонија и Албанија, пишува рускиот портал ПолитНавигатор.
Соодветната изјава ја пренесоа шефот на дипломатијата на ЕУ Жозеп Борел и американскиот државен секретар Ентони Блинкен
.„Да ја направиме нивната европска и евроатлантска иднина реалност останува наша заедничка цел“, рекоа Борел и Блинкен.
Во документот се забележува дека „во критичен момент од европската историја“ во светло на „неоправданата агресија на Русија против Украина“, промоцијата на Албанија и Македонија во ЕУ е „клучот за зајакнување на кохезијата и стабилноста на целиот европски континент. “
Во меѓувреме, во главниот град на Македонија – Скопје се одржа акција против влезот во ЕУ во организација на локалната партија Родина Македонија. Оваа политичка сила е за влез во ЕАЕУ(Евроазиска Унија).
„Членот на Президиумот на Централниот комитет на партијата „Родина Македонија“, Владимир Трајковски, јавно го запали знамето на ЕУ. Целта на демонстрантите е владата на Македонија да одбие да влезе во ЕУ“, објаснува за ПолитНавигатор Андреј Родионов, лидер на Меѓународното движење „Руско-словенски сојуз и преродба“.