Тие ќе ги напуштат институциите додека Приштина не ја повлече незаконската одлука за пререгистрација и додека не се формира Заедницата на српските општини.
Србите го напуштаат собранието, владата и сите институции, како и учеството во полицијата и судството, изјави Горан Ракиќ на конференцијата.
Ракиќ, кој е министер во привремената влада на Косово, поднесе оставка од таа функција.
Српските претставници испратија барање до Приштина да ги почитува сите договори, вклучително и Бриселскиот договор, потпретседателот на Српската листа Игор Симиќ најави дека сите пратеници поднесуваат неотповиклива оставка, а група полицајци симболично ги соблекоа униформите.
Заклучокот за напуштање на привремените институции е донесен на средбата на претставниците на српските политички претставници од северот на Косово и претставниците на сите косовски институции на север во Звечан.
Предлогот за напуштање на институциите го дадоа Претседателството на Српската листа и нејзиниот претседател Горан Ракиќ.