Американскиот претседател Доналд Трамп ја поздрави денес како „голема победа“ во сојузната држава Невада, потегот на членовите на комисијата во округот Кларк со кој одбија да ги потврдат резултатите од изборите на окружната комисија.
Комисијата за округот Кларк, која управува со областа Лас Вегас, ги потврди резултатите од изборите на 3 ноември, освен окружниот комесар за една област, каде што разликата е 10 гласа, односно каде демократот Рос Милер доби 76.456 гласа, а републиканецот Ставрос Ентони 76.576. гласови, објаснува Њујорк пост.
Регистарот на гласачите Џо Глорија рече дека се откриени неразбирливи несогласувања, што може да предизвика сомневање за толку мала разлика во гласовите.
Big victory moments ago in the State of Nevada. The all Democrat County Commissioner race, on same ballot as President, just thrown out because of large scale voter discrepancy. Clark County officials do not have confidence in their own election security. Major impact! https://t.co/TLHnFKNN6g
— Donald J. Trump (@realDonaldTrump) November 16, 2020
Трамп на Твитер изјави дека претставниците на округот Кларк не веруваат во сопствената изборна безбедност.
„Големо влијание“, порача Трамп.
Тој претходно објави дека во Пенсилванија, стапката на одбиени гласачки ливчиња по пошта е 30 пати помала оваа година отколку на изборите во 2016 година.
„Затоа ги држеа нашите набљудувачи подалеку од „ светите“ бројачки простории“, рече Трамп.
Тој додаде дека Џорџија не дозволува проверка на автентичноста на потписите на ковертите.
„Без тоа, пребројувањето е бесмислено“, рече Трамп.