Регион

Брисел – Србија мора да го раскине новиот трговски договор со руската Евроазиска економска унија

 

„Србија може да склучи договори со други земји или организации пред да влезе во ЕУ. Сепак, во контекст на преговорите за пристапување, Србија вети дека ќе се повлече од сите билатерални трговски договори на денот на пристапувањето во ЕУ“, велат од комисијата.

Истата порака ја пренесе Дејвид Мекалистер, претседател на Комитетот за надворешни работи на Европскиот парламент.

„Текстот на договорот за слободна трговија со Русија треба да има и излезна клаузула, што би гарантирало дека Србија може да се повлече од договорот за пристапување во ЕУ“, предупреди МекАлистер.

Европската комисија јасно го изнесе својот став, ден откако рускиот амбасадор во Белград Александар Бочан-Харченко објави дека Србија ќе потпише трговски договор со Евроазиската економска унија на 25-ти октомври.

Договорот за слободна трговија меѓу Србија и Русија постои од 2000 година.

За потсетување, министерот за трговија, туризам и телекомуникации Расим Љајиќ , рече дека „договорот за влез беше договорен по две години преговори кои не беа ниту лесни, ниту едноставни, и ќе се однесува на сите пет земји на Евроазиската економска унија“.

„Планот е договорот да биде потпишан во Сочи на состанокот меѓу премиерите на Србија и земјите од Евроазиската економска унија“, рече Љајиќ.

Related posts

Leave a Comment

error: Content is protected !!