АНТАЛИЈА, 26 јули . Турскиот претседател Реџеп Тајип Ердоган рече дека се надева оти САД ќе имаат добра причина кога ќе размислуваат дали да воведат санкции по купувањето на руските ракетни системи С-400 од страна на Турција.
“Ние можеме да започнеме со активно користење на С-400 во април 2020 година по нивното распоредување и завршување на обуките на нашите специјалисти. Се надевам дека здравиот разум ќе преовлада во САД”, цитираше каналот НТВ.
Претходно државниот секретар на САД, Мајк Помпео, објави дека Вашингтон ја информирал Анкара дека САД сметаат дека активирањето на системите С-400 е неприфатливо.