Десет минути експлозија во Скопје во кои Р.К. Вардар победи со осум гола над МОЛ Пик Сегед 31:23 (14:12). Беше 23:21 во 49. минута, кога беше доведена во прашање победата на домашниот тим, но потоа навивачите во “Јане Сандански” направија неверојатен притисок врз унгарските шампиони, кои ги загубија главите во најважните моменти.
Голманот на Р.К. Вардар Дејан Милосављев имаше неколку важни одбрани (вкупно 10), додека Даини Криштопанс и Игор Карачиќ беа најважниот дел од победничкиот состав кој е на добар пат да стигне до третиот финален турнир по ред.
Ова беше последниот домашен натпревар во “златна ера” на РК Вардар, откако Сергеј Самсоненко го објави напуштањето на клубот на крајот од сезоната.
Иако вардарци беа прогласени за аутсајдери тие смогнаа сили и го покажаа своето шампионско лице
понесени од верната публика која уште еднаш иако за жал за последен пат во салата Јане Сандански беше играч плус за вардарци.
Вардар-Сегед 31-23 (14-12)
Вардар: Даини Криштопан 8, Игор Карачиќ 8, Стас Скубе 6, Тимур Дибиров 4, Рожерио Фереира 3, Иван Чупиќ 1, Сергеј Горбок 1.
Сегед: Бенце Банхиди 5, Јонас Калман 3, Золт Балог 3, Деан Бомбац 3, Хорхе Македа 2, Ричард Бодо 2, Стефан Сигурмансон 2, Марио Шостариќ 2, Џоан Канелас 1.