Свет

Конечно, „сајонара“ за Токио: Русија го забрани влезот за јапонскиот премиер, министри, парламентарци

Travel to Japan | Attractions in Japan | KILROY

Москва го стави јапонскиот премиер Фуми Кишида, членовите на неговиот кабинет и членовите на парламентот на својата „црна листа“ на санкции, објави во средата руското Министерство за надворешни работи, пренесува РИА Новости .

„Владата на Фумио Кишида започна невидена антируска кампања, дозволувајќи неприфатлива реторика против Руската Федерација, вклучувајќи клевети и директни закани. Ова го наведуваат јавни личности, експерти и претставници на јапонските медиуми, кои се целосно ангажирани во односот на Западот кон нашата земја“, се вели во соопштението на руското МНР.

Беше посочено дека чекорите на Токио се насочени кон прекинување на добрососедските односи, оштетување на руската економија и меѓународниот престиж. Сето тоа беше причината за одлуката за неограничена забрана за влез во Русија за 63 јапонски државјани.

Покрај премиерот, на списокот се и министерот за надворешни работи Јошимаса Хајаши, министерот за одбрана Нобуо Киши, министерот за финансии Шуничи Сузуки и други членови на владата, парламентот, како и воени претставници.

Јапонија веќе воведе неколку пакети антируски санкции. На почетокот на март, претставниците на руското државно раководство беа под лични санкции, вклучувајќи ги претседателот Владимир Путин, министерот за надворешни работи Сергеј Лавров, министерот за одбрана Сергеј Шојгу, заменик-претседателот на Советот за безбедност Дмитриј Медведев и началникот на Генералштабот на руската армија Валериј Герасимов.

Потсетуваме: односите меѓу овие две земји веројатно го допираат дното уште од времето пред распадот на СССР. Не треба да се нагласува или потсетува дека набргу по првичното воведување на строги јапонски санкции, Москва ги прекина сите преговори на темата за четирите јужни Курилски острови, чиј руски суверенитет не е признат од Јапонија . Овие преговори се водеа на највисоко ниво во изминатите десет години со цел да се постигне заеднички прифатлив договор.

Тој конечно би овозможил официјално потпишување на мировен договор меѓу двете земји за завршеток на Втората светска војна.

Но, како што сега изгледа, двата азиски соседи се многу поблиску до нова војна отколку до склучување мир по претходно споменатото.

Related posts

Leave a Comment

error: Content is protected !!