Курдските единици за заштита на народот ја превземаа контролата врз Рас ал-Ајин по контра-офанзивата што започна откако турските трупи и нивните сојузници го окупираа овој пограничен град на 12-ти октомври.
Според Тас , повикувајќи се на локалните медиуми, Курдите и вооружените сириски опозициски единици поддржани од Турција во нејзината воена операција, водат интензивни борби на периферијата на градовите.
Курдските единици во моментов го напаѓаат блискиот град Тел Халаф, кој го контролира т.н. Слободна сириска армија.
Извештаите за конфликти доаѓаат и од пограничниот град Кобане, кој се наоѓа на источниот брег на реката Еуфрат.
Вчера, курдските трупи го спречија планот на турските сојузници да отсечат стратешки пат низ границата и да го поврзат сирискиот економски центар Алепо со градот Ел Хасака во провинцијата со исто име.
Нападот на турските сили и нивните сојузници, наводно, бил одбиен.
Единиците на сириската армија стигнале до патот во близина на градот Тел Тамер, кој се наоѓа на околу 30 километри од границата и се распоредени на северот од провинцијата Ел Хасака во консултација со Курдите.