Свет

Макрон попи шамар додека се поздравуваше со толпата граѓани (ВИДЕО)

 

Францускиот претседател Емануел Макрон беше удрен со шлаканица  од човек дел од група граѓани што го пречекаа Макрон на југот на Франција, покажува видеото од инцидентот.

Обезбедувањето на Макрон реагираше брзо и го собори човекот на земја, оддалечувајќи го Макрон.

Две лица се уапсени во врска со инцидентот, јавија телевизијата БФМ и радиото РМЦ.

Инцидентот се случи за време на посетата на Макрон во регионот Дроме во југоисточна Франција, каде што тој се состана со сопственици на ресторани и студенти со кои разговараше за враќање во нормален живот по пандемијата со ковид-19.

На снимката се гледа како Макрон оди кон насобраните граѓани кои стоеја зад металната ограда. Потоа ја подава раката кон мажот во зелена маица, со очила и заштитна маска.

Човекот тогаш извика „Долу Макронија“ и му удри шлаканица на претседателот.

Двајца телохранители го срушија човекот, а третиот го влечеше Макрон настрана.

Кабинетот на францускиот претседател објави дека станува збор за планиран напад, без да се наведат детали.

Related posts

Leave a Comment