Наодите од истрагата, кои завршија минатиот месец и произлегоа од судски спор покренат против архиепископијата од страна на жртвите, не се јавно објавени, но се вели дека содржината на извештајот излегла во повеќе медиуми.
Делови од извештајот на 560 страници, наводно, виден од Дејли Бист, говори како монахињите кои воделе манастир во Спајер, Германија, помеѓу 60-тите и 70-тите години од минатиот век „изнајмувале“ сираци момчиња на бизнисмени и свештеници, кои ги злоупотребувале децата, понекогаш со недели , пред да ги ‘вратат’.
Според извештајот, некои од сираците биле принудени да учествуваат во „оргии“ пред да бидат вратени во манастирот, каде што монахињите ги приморувале да ги прикријат трагите од сперма на нивната облека.
Извештајот заклучил дека 175 деца, повеќето од нив момчиња на возраст од 8 до 14 години, биле злоставувани во текот на две децении. На некои од децата намерно им било забрането да бидат посвоени или однесени во згрижувачки дом за да можат монахињите да продолжат да ги изнајмуваат, се наведува во истрагата.
Сепак, истрагата одби да ги обвини монахињите кои се вклучени во скандалот, тврдејќи дека злоупотребата е резултат на „систематски“ грешки во управувањето на манастирот, што директно ги амнестира обвинетите.
Деталите излегоа во печатот, откако архиепископијата одби да го објави извештајот во јавноста, барајќи од новинарите што ги видоа документите да потпишат договор за доверливост. Сите оние кои присуствуваа на прес-конференцијата, објавувајќи го заклучокот на истрагата, наводно излегле, одбивајќи да се придржуваат до условите на Црквата.
Архиепископијата во Келн соопшти дека го задржала извештајот бидејќи не успеала целосно да ја објасни нејзината методологија. Сепак, бискупот Карл-Хајнц Висман, кој ја предводи архиепископијата, за медиумите изјави дека извештајот за злоупотреба е „толку мрачен“, што не е погоден за очите на јавноста. Епископот тврди дека тој бил толку вознемирен од извештајот и морал да скрати еден месец од своите должности откако го прочитал.
Шокантните откритија се случуваат помалку од една година откако посебна истрага откри дека образовните власти и сенатот во Берлин поддржале и држеле во тајност, изнајмување на деца на познати педофили. 30-годишната политика, која заврши во 2003 година, доведе до голем број сериозни случаи на злоупотреба, откри истрагата.