Свет

Москва подготви дебели досиеја за припадниците на Азов, ги чека судење за злосторства против цивили

По предавањето на сите 2.439 украински војници во Мариупол, претседателот Владимир Зеленски се обидува да ја смири својата јавност со ширење оптимизам „дека тие ќе бидат разменети и вратени во нивните домови“. Затворениците биле префрлени со автобус во затворската колонија 120, во селото Молоѓожно, во Волноваха во регионот на Доњецк. Но, Зеленски молчи дека во Москва повторуваат дека ќе им се суди на војниците и офицерите на неонацистичкиот баталјон Азов и дека на нивните водачи од 2014 година им се подготвуваат дебели досиеја за злосторства врз цивили и војници во Донбас.

– Тие војници со нацистички симболи не можат да се оправдаат дека не пукале и дека биле готвачи или возачи, а некои дури и музичари кои биле насилно мобилизирани – наведува Кремљ.

Откако сите војници и офицери го напуштија засолништето на „Азовстал“, заробениот командант на остатокот од бригадата на украинските маринци, полковник Сергеј Волински, новинарите го прашаа дали има странци во украинската армија. Рече дека имало, а што се однесува до „високите чинови“, рече „дека не го знае тоа“.

Во Киев се лути што сојузниците не им испратиле тешко оружје да се пробијат до „Азовстал“ и да ги ослободат нивните војници. Зеленски тврди дека дел од вооружените сили биле подготвени за ваква акција, но признава и дека имале големи загуби кај пилотите кои се обиделе со хеликоптери да пренесат лекови, храна и вода до „Азовстал“ и да ги евакуираат ранетите.

– Нашите пилоти летаа таму, иако знаеја дека 90 проценти нема да се вратат. Загинаа многу пилоти – призна Зеленски.

Во исто време, советникот на Зеленски и член на преговарачкиот тим со Русите, Михаил Подољак, е лут на новинарите на Њујорк Тајмс кои го повикуваат Киев „да прифати губење на дел од територијата за да се стави крај на војната“.

Од друга страна, претседателот на Крим, Сергеј Аксјонов, во саботата изјави дека заробените украински војници треба да бидат испратени да работат на обнова на уништените градови во Донбас. Аксјонов смета дека прво треба да се осудат неонацистите, а потоа да се испратат да го обноват тоа што го уништиле.

 

Related posts

Leave a Comment

error: Content is protected !!