Регион

НАТО База во Албанија до крајот на 2023 година.

In hidden mountain air base, Alabnia stores jets for sale

НАТО планира да отвори воздухопловна база во Албанија во 2023 година, а ќе биде отворена во реновиран објект кој се наоѓа на територијата на таа земја уште од советската ера.

Во повеќето европски земји, пишува Еуроњуз, расте потрошувачката на средства потрошени за оружје, пред се во Германија, но и на Балканот.

Тензиите растат и во Албанија, бидејќи Србија се повеќе се вооружува и се чини дека тоа се забрзува. Како најголем руски сојузник во овој дел од Европа, Србија купи борбени авиони МиГ-29 од Русија, како и тенкови, додека Хрватска, исто така земја членка на НАТО, купи 12 борбени авиони Рафал од Франција.

Работата на обнова и подобрување на воздухопловната база во Кучова започна во јануари годинава, а целта е да се создаде модерна оперативна база во која ќе може да се сместат голем број современи борбени авиони.

Вкупно 50 милиони евра ќе бидат инвестирани за реставрација на базата, која ќе биде оперативна од крајот на 2023 година, за што НАТО и Албанија ќе издвојат пари.

Базата е оддалечена 85 километри од главниот град Тирана и го носи името на градот Кучова каде што ќе се наоѓа, кој за време на комунистичкиот режим во Албанија се нарекувал Сталинград. Изграден е од затвореници во 1950 година за време на владеењето на Енвер Хоџа, кој се спротивставил да се приклучи на Советскиот Сојуз и покрај фактот што и самиот бил комунист.

„За време на Студената војна, интензитетот на летање беше многу висок и до 1962 година оваа воздухопловна база го покриваше воздушниот простор на целата земја“, изјави Виктор Винѓели, пилот кој помина 27 години во базата и беше задолжен за МиГ -19 авионите.

Тој рече дека претворањето на базата во штаб на НАТО е многу корисно за идните генерации албански пилоти кои ќе бидат обучени да управуваат со модерни авиони.

По падот на комунистичкиот режим во Албанија, во три воздухопловни бази лоцирани во оваа земја имаше повеќе од 200 авиони МиГ, од кои повеќето сега се во распад и престанаа да се користат во 2005 година. Неколку години старите воени авиони се користеа за земјоделски цели.

Related posts

Leave a Comment