Криминалната полиција во соработка со жупаниското државно правобранителство на Загреб спроведува кривична истрага на подрачјето на пет полициски управи, во која се опфатени повеќе лица осомничени за наводно јавно поттикнување тероризам, соопшти Управата на полицијата.
Полицијата посочува дека истражува сомнежи за „дејствија со кои се поттикнува кршење на основните уставни, политички, економски или општествени структури на Република Хрватска со напад на физичкиот интегритет на други лица и јавни објекти“.
Според извештаите на медиумите, меѓу уапсените се членови на здружението Праведник, Марко Францишковиќ и Натко Ковачевиќ.
Францишковиќ беше еден од говорниците на неодамнешниот протест против ковид потврдите во Загреб и Шибеник, додека медиумите за Ковачевиќ известија дека во 2016 година бил гостин во емисијата на ХРТ во која ја кажал теоријата дека основачот и сопственикот на Мајкрософт Бил Гејтс „сака да ги убие Хрватите”.
Полицијата прецизира дека кривичната истрага се води на подрачјето на полициските одделенија Задар, Шибеник-Книн, Загреб, Бјеловар и Лика-Сењ, од каде што се лицата под надзор на полицијата
Во текот на денешниот и наредните денови ќе се вршат доказни дејствија за претрес на објекти, возила и друга опрема значајна за ова истражување, заклучуваат од Управата на полицијата.
Ова е класично демонстрирање на сила и оквалификување на сите противници на фашистичките мерки, за терористи. Хрватска веќе влегува во дистописко сценарио од романите на Орвел и Хаксли и се повеќе наликува на нацистичка Германија од 1941 година. Дали вакви црни сценарија не очекуваат и нас останува да видиме.