Ерменија побара воена поддршка од Русија по преминувањето на нејзината граница од азербејџанските трупи, објавија Ројтерс и неколку други извори.
Претходно оваа недела, стотици припадници на азербејџанските специјални единици влегоа на територијата на Ерменија во источната провинција Гегхаркуник и јужната провинција Сјуник. Не дојде до конфликт. Сепак, „навлегувањето“ доведе до сериозни тензии меѓу двете земји.
Азербејџан прифати повлекување на своите трупи според првичниот договор со Ерменија. Сепак, договорот не е целосно имплементиран. Како одговор, привремениот ерменски премиер Никол Пашинјан одлучи да побара помош од Русија.
– Вчера беше постигнат договор вооружените сили на Азербејџан да ја напуштат ерменската територија – рече Пашинјан, цитираше новинската агенција Интерфакс, на состанокот за настаните на границата.
– Овој договор е делумно исполнет; има територии што Азербејџанците навистина ги напуштија. Но, бидејќи договорот не е целосно исполнет, денес му се обратив на претседателот на Русија за воена помош – рече Пашинјан.
BREAKING – Sputnik Armenia reports #Russia peacekeeping column headed towards southern Armenia amid ongoing tension with #Azerbaijan. Head of Rus. Peacekeeping contingent in #NagornoKarabakh participating in border negotiations. (1)
1.https://t.co/OdNqkRbr4k pic.twitter.com/sNyFC4YRdk
— Nagorno Karabakh Observer (@NKobserver) May 15, 2021
На барање на Пашинјан, руските трупи од 102-та база во Ерменија беа испратени во Сјуник да го спроведат договорот.
Инцидентот на границата е прва голема ескалација помеѓу двете земји од минатата година, кога Азербејџан изврши голема офанзива врз ерменските сили во спорниот регион Нагорно-Карабах. Кратката војна заврши на 10 ноември со прекин на огнот со посредство на Русија.
Од војната во Нагорно Карабах, ситуацијата на азербејџанско-иранскиот граничен премин е нестабилна. На 15 март, ирански шверцери на дрога убија двајца азербејџански граничари во близина на граничната линија.