Свет

Нов Зеланд: Жестоки судири помеѓу полицијата и противниците на задолжителната вакцинација (ВИДЕО)

Велингтон – Демонстрантите во Нов Зеланд, кои се противат на задолжителната вакцинација против коронавирус, ги запалија шаторите и просторот пред парламентот.

Се чини дека тоа е последниот чин на пркос, бидејќи полицијата го разби кампот што првпат го поставија демонстрантите пред повеќе од три недели.

Полицијата повторно ја презеде контролата врз зградите на парламентот, иако десетици демонстранти останаа на околните улици, а некои со камења гаѓаа во полицајците.

Новозеландската премиерка Џасинда Ардерн рече дека полицијата, при планирањето на операцијата, очекувала непријателство, отпор и насилство, но дека е сосема поинаку да се присуствува на неа.

Бев лута, но и длабоко тажна. Да видам како мала група нелегални демонстранти го сквернави парламентот, вашиот парламент, нашиот парламент и го уништија детското игралиште“, рече Џасинда Ардерн.

„Но, како што реков, тоа не е нешто што ќе го дефинира одговорот на Нов Зеланд на оваа пандемија“, додаде таа.

Претходно, полицијата која носеше опрема за немири употреби бибер спреј против стотици луѓе кои го окупираа теренот и околните улици.

Полициските напори беа насочени кон протестот периферно пред да се свртат кон главниот камп .

Тоа беше најзначајната употреба на сила од страна на властите против демонстрантите досега. Додека се повлекуваа, демонстрантите фрлаа предмети кон неколку пожари, кои полицијата ги гаснеше со црева за вода.

 

Related posts

Leave a Comment

error: Content is protected !!