Рускиот сенатор Алексеј Пушков на својот телеграм канал ја коментираше реакцијата на портпаролот на Пентагон Џон Кирби за тестирањето на ракетата „Циркон“.
Тој го советуваше Вашингтон да не игра улога на невина девојка и себе си да си го постави прашањето зошто Русија го направи најновиот систем на оружје.
– Приближувањето на НАТО кон руските граници, аспирацијата за воено освојување на територијата на Украина, преместување на американската армија во соседните земји со Русија, распоредување на американски противвоздушни системи таму, американското напуштање на Договорот за елиминација на ракетите од среден и краток дострел , кое лесно можеше да се предвиди пред пет години, воведување на 75 различни санкции за Русија, кои претставуваат низа акти на економска војна … Дали Кирби е во тек со сето ова? – прашува Алексеј Пушков.
Изјавата на портпаролот на Пентагон следуваше откако руската фрегата „Адмирал Горшков“ успешно ја погоди целта на 19 јули со хиперсоничната ракета „Циркон“. Тестирањето се одржа во Заполарје, од каде што беше лансирана ракетата од Бело Море до целта во Баренцовото Море. Ракетата помина повеќе од 350 километри со брзина од седум Маха.
„Циркон“ е првата хиперсонична крстосувачка ракета во светот, способна за континуиран аеродинамичен лет со маневрирање во густи слоеви на атмосферата со помош на сопствен поттисок на моторот за време на целата рута. Може да ги погоди целите на копно и вода подеднакво ефикасно.
Ракетата „Циркон“ може да развие брзина од околу девет Маха, што е девет пати поголема од брзината на звукот и изнесува повеќе од 10.000 километри на час. Максималниот дострел на ракетата е илјада километри.