Свет

Путин привремено ја суспендира патничката авио-служба со Грузија

Уредбата беше потпишана “за да се обезбеди националната безбедност на Руската Федерација” и да се заштитат граѓаните “од кривични и други незаконски дејствија”

 

 

 

Рускиот претседател Владимир Путин потпиша декрет, кој од 8 јули наметнува привремена забрана за патнички летови со Грузија, објави прес-службата на Кремљ.

“Од 8 јули 2019 година, на руските авиокомпании привремено им е забрането да вршат воздушен превоз (вклучувајќи комерцијални летови) на граѓани од територијата на Руската Федерација на територијата на Грузија”, се вели во документот.

Покрај тоа, на туристичките оператори и туристичките агенции им се препорачува “за времетраењето на забраната … да се воздржат од продажба на туристички аранжмани кои вклучуваат превоз (вклучувајќи и комерцијален) на граѓани од територијата на Руската Федерација на територијата на Грузија.

Путин побара од владата да преземе мерки за враќање на руските државјани кои привремено престојуваат во Грузија.

Декретот беше потпишан “со цел да се обезбеди националната безбедност на Руската Федерација, да се заштитат граѓаните на Руската Федерација од кривични и други незаконски дејства  во согласност со сојузниот Закон за безбедност од 28 декември 2010 година”, се вели во документот.

Забраната ќе остане на сила се додека властите на оваа земја не можат да ја гарантираат безбедноста на руските државјани, рече рускиот претседател за прес-конференција, Дмитриј Песков. 

“Претседателот ќе ја ревидира оваа одлука само кога ќе се нормализира ситуацијата во Грузија и ќе исчезне и најмалата закана за безбедноста на нашите граѓани”, рече тој. “Одлуката за суспендирање на воздушниот сообраќај се објаснува со екстремистичкити антируски закани во Грузија, кои би можеле да бидат насочени против руските туристи. Ние не можеме да останеме рамнодушни кога нешто го загрозува животот на нашите туристи”. 

Тој објасни зошто забраната стапува на сила од 8 јули. “Претседателот ја наметна забраната од 8 јули бидејќи е последен ден од најголемиот дел од организирани тури во таа земја и сите наши граѓани ќе можат да се вратат дома”, рече Песков.

Случај Тбилиси

На 20 јуни, неколку илјади демонстранти се собраа пред парламентот во центарот на Тбилиси, барајќи оставка од министерот за внатрешни работи и спикерот на парламентот, и се обидоа да ја завземат зградата. Како одговор, полицијата употреби солзавец, гумени куршуми и водени топови за да ги растера демонстрантите. Според грузиските медиуми, десетици беа уапсени, а 240  беа повредени.

Протестите беа предизвикани од вознемиреност поради учеството на делегацијата на руската државна Дума на 26-тата седница на Интерпарламентарното Собрание за Православието (ИАО). Во четвртокот наутро, претседателот на ИАО Гаврилов ја отвори сесијата во зградата на грузискиот парламент. Пратениците на опозицијата беа навредени од фактот што Гаврилов им се обрати на учесниците на настанот од седиштето на парламентот. Во знак на протест, тие не дозволија сесијата на ИAO да продолжи.

Подоцна беше донесена одлука за заокружување на седницата и  руската делегација да ја напушти земјата. Членовите на владејачката партија “Грузиски сон – демократска Грузија” велат дека не знаеле дека Гаврилов требало да го отвори настанот, тврдејќи дека канцеларијата на протоколот направила грешка.

Генералниот секретар на владејачката партија “Грузиски сон – демократска Грузија” и градоначалник на Тбилиси, Каха Каладзе, во петокот објави дека претседателот на парламентот, Иракли Кобахидзе, одлучи да поднесе оставка.

Loading...

Related posts

Leave a Comment