Свет

Русија и предложи на Индија алтернатива за SWIFT и ,,МИР”

Soaring high - India's tallest national flag unfurled at Attari border |  The Economic Times

 

Индија сака да ја продолжи билатералната трговија поради нејзината зависност од руското оружје и можноста да купува поевтина нафта во време кога глобалните цени растат.

Индиската влада го разгледува предлогот на Москва да користи систем развиен од руската централна банка за билатерални плаќања додека јужноазиската земја сака да продолжи да купува нафта и оружје од Русија, која е санкционирана од Западот. Индискиот медиум Business Standard пишуваше за ова во среда, 30 март .

Планот вклучува плаќања во рупии со користење на рускиот систем за финансиски пораки (SPFS), објаснуваат медиумите, повикувајќи се на извори од индиската влада кои сакале да останат анонимни.

Конечната одлука допрва треба да биде усвоена, а прашањето најверојатно ќе се разговара кога рускиот министер за надворешни работи Сергеј Лавров утре ќе пристигне во дводневна посета на Индија (Лавров денеска е во официјална посета на Пекинг).

Индија е заинтересирана за продолжување на билатералната трговија поради нејзината зависност од руското оружје и можноста за купување поевтина нафта додека светските цени на суровините растат. Владата на Нарендра Моди се спротивставува на притисокот од западните земји, нагласувајќи дека купувањето оружје од Русија е неопходно за да се спротивстави на растечката воена самоувереност на Кина.

Според предлогот на Москва, рубљата би била депонирана во индиска банка и претворена во рупии, а истата шема на меѓусебно порамнување би функционирала во спротивна насока, изјави еден од изворите на споменатиот медиум. Нерешено прашање, рече, меѓу другото е и курсот за вакви трансакции – дали ќе бидат фиксни или флуктуирачки.

 

Русија, исто така, предлага Индија да го поврзе својот интерфејс за еднократно плаќање со рускиот платен систем Мир со цел беспрекорно да ги користи банкарските картички издадени од банките на двете земји откако меѓународните системи Visa и Mastercard ги прекинаа операциите на рускиот пазар.

Related posts

Leave a Comment

error: Content is protected !!