Европа

Се повеќе Австријци не можат да си ги платат сметките

ВИЕНА – Зголемувањето на цените и се поскапиот живот им создава големи проблеми на се поголем број Австријци, а веќе 14 отсто од австриските граѓани веќе не се во можност да ги плаќаат сите свои сметки. Во август, според проценките, инфлацијата изнесуваше 9,1 отсто и за првпат по 12 месеци стагнира на многу високо ниво, по долгиот тренд на постојан раст.

Истражувањето спроведено од Асоцијацијата на австриски трговци покажува дека 83 отсто од Австријците се загрижени поради порастот на цените.

Посебно е алармантно што се повеќе lлуѓе не можат да ги платат сите сметки.

Така, 18 отсто од Австријците велат дека повеќе не можат редовно да ги плаќаат ратите од кредитот, а 14 отсто тврдат дека не се во можност да ги платат сите доспеани сметки, пренесува Танјуг.

Огромното мнозинство Австријци, односно 75 отсто, моментално купуваат поевтини намирници, а 19 отсто се ограничуваат на купување само неопходни за живот.

Истражувањето покажува дека 52 отсто од Австријците изјавиле дека квалитетот на нивниот живот се влошил во споредба со времето пред бранот на поскапувања.

Што се однесува до заштедите, Австријците штедат, на пример, избегнувајќи одење во ресторани (53 отсто), но и во ноќни клубови (42 отсто), кина (41 отсто).

Што се однесува до купувањето, 41 отсто истакнуваат дека штедат при купување облека, а 34 отсто не купуваат мебел или украс.

„Поштедливиот пристап на граѓаните го чувствуваат пред се рестораните и трговците со стоки кои не се од конфекцискиот сектор“, посочува претседателот на Здружението на трговци Рајнер Вил.

Тој посочи дека истражувањето покажува колку е критична состојбата, а резултатот е двојно зголемување на бројот на стечајци.

„Доколку владата не постапи итно, до 6.000 трговци ќе ги затворат своите продавници до крајот на годината“, предупредува Вил.

Related posts

Leave a Comment

error: Content is protected !!