Вечерва се закажани седум нови натпревари во квалификациите за Еуро 2020.
На претпоследниот ден од квалификациите за октомври, Англичаните гостуваат во Бугарија во натпревар од групата А, за кој многу се зборуваше минатата недела. Бугарите беа предупредувани и казнети од УЕФА оваа година во неколку наврати за расизам од трибините, а од англискиот камп се дозна дека се подготвени да го напуштат теренот доколку бидат жртви на такво однесување.
Косово ја пречекува Црна Гора во Приштина, натпревар што мора да го добијат доколку сакаат да ги задржат надежите за одење на еврото. Чешката Република, која го дели првото место со Англичаните, вечерва игра пријателски натпревар со Северна Ирска.
Во групата Х, водечките две екипи се среќаваат во Париз, Франција и Турција, и двете би можеле да го обезбедат пласманот вечерва во зависност од другите резултати, но победникот е сигурен дека ќе оди на Евро. Исланд и Албанија фаќаат победи против Андора и Молдавија.
Се игра и во групата Б, каде на Шевченко во Киев му доаѓа вистински испит во форма на Португалија, предводен од Кристијано Роналдо . За Украинците, нерешен исход носи пласман а веројатно и првото место во групата. Србија и гостува на Литванија, каде ќе се обиде да ги одржи своите надежи во живот, а затоа ќе им треба победа.