Свет

ТРАМП: Главниот виновник за војната во Украина е Џо Бајден! Добро го познавам Путин, тој никогаш не би го направил ова

 Tramp rekao da je Bajden kriv za rat u Ukrajini

Поранешниот американски претседател Доналд Трамп смета дека воената помош што Вашингтон му ја дал на Киев може да доведе до прераснување на конфликтот во Украина во Трета светска војна.

„Имаме војна во Украина… можеби таа ќе доведе до Трета светска војна поради начинот на кој се справуваме со неа“, предупреди Трамп во говорот на верската конзервативна конвенција во Нешвил, Тенеси, што се одржа во петокот.

„Само што дадовме 40 милијарди долари и дополнителни 16 милијарди долари за тоа. Значи 56 милијарди долари“, рече Трамп во врска со пакетите помош што администрацијата на Бајден ги одобри за Украина поради конфликтот со Русија.

„Кога ќе ги погледнете Европа и Германија и Франција и сите овие други земји, тие дадоа мал дел, мал, мал дел од она што ние го даваме. Ние даваме 56 милијарди долари, а тие даваат неколку милијарди долари. И тие се оние кои се многу повеќе погодени, рече Трамп

Трамп повтори дека главниот виновник за војната е Џо Бајден, кој го замени во Белата куќа, инсистирајќи дека „да бев претседател, тоа никогаш немаше да се случи“, мислејќи на војната во Украина.

„Го запознав Путин многу добро и разговаравме за тоа… тој знаеше дека последиците ќе бидат огромни. Тој го сфати тоа и никогаш нема да го стори тоа“, инсистира Трамп.

Друга тема по обраќањето беа сослушувањата во Конгресот во врска со инвазијата на Капитол Хил на 6 јануари 2021 година. Поранешниот претседател тврди дека истрагата за неговата наводна улога во испровоцирувањето на неговите поддржувачи да го нападнат американскиот Капитол во Вашингтон била наместена и дека била „лов на вештерки““, а потоа се осврна на неговата кандидатура за претседател на САД во 2024 година.

„Дали некој би сакал јас да се кандидирам за претседател“, ги праша Трамп насобраните, по што следеа гласни овации од публиката.

Related posts

Leave a Comment