Поранешниот американски претседател Доналд Трамп предупреди дека испораката на тенкови од западно производство во Украина може да го претвори конфликтот во нуклеарна војна.
За ова тој напиша на својата социјална мрежа Truth Social.
„Прво тенкови, потоа нуклеарно оружје. Запрете ја оваа луда војна сега. Тоа е толку лесно да се направи “, напиша Трамп.
Поранешниот американски лидер постојано предупредуваше дека конфликтот во Украина може да ескалира во Трета светска војна. Тој увери и дека ситуацијата немаше да дојде до точка на непријателства доколку тој беше претседател на САД.
Да потсетиме дека претходно германската влада се согласи да и испорача на Украина тенкови Леопард 2. Германија планира да формира два тенковски баталјони. Во првата фаза ќе бидат префрлени 14 борбени возила. Првите тенкови, според претставници на германските власти, може да пристигнат во Украина на крајот на март.
Исто така, американскиот претседател Џо Бајден вети трансфер на 31 тенк М1 Абрамс на вооружените сили на Украина