Поранешниот американски претседател Доналд Трамп и можниот ре-кандидат на републиканците на следните претседателски избори во САД денеска ја критикуваше енергетската политика на администрацијата на Бајден, велејќи дека земјата под неговиот наследник се нашла „под контрола на ОПЕК“ и дека цените на бензинот на домашниот пазар продолжуваат да растат, пренесува РИА Новости , повикувајќи се на писмената изјава на Трамп објавена од неговата канцеларија за медиуми.
„Со децении, критичните стратешки резерви на нафта на нашата земја беа ниски или блиску до нула, бидејќи ниту еден претседател не сакаше да плати за да ги надополни. Ги наполнив сè до врвот пред три години, кога цената на нафтата беше многу ниска. „Тие треба да се користат во сериозна, вонредна ситуација, како војна – и ништо друго“, рече Трамп во изјавата.
Поранешниот шеф на државата смета дека во сегашните околности, претседателот Бајден ќе „најави напад“ на стратешките нафтени резерви, со што ќе се обиде вештачки да ги урне високите цени на нафтата.
„Пред една година бевме енергетски независни, а сега сме во милост и немилост под моќта на ОПЕК, а бензинот во делови од Калифорнија се продава за 7 долари и расте на национално ниво, а нафтата се зема од нашите стратешки резерви. Дали е ова начин на водење на земјата?“, праша Трамп.
Потсетуваме: Бајден вчера најави ослободување на 50 милиони барели нафта од американските стратешки резерви со цел да се намали цената на „црното злато“, што повлекува други поскапувања и генерира инфлација. Освен во ЕУ, енергетската криза се повеќе е на прагот на Соединетите држави, како резултат и на пандемијата со „Ковид-19“ и на прекумерното фокусирање на администрацијата на Бајден на обновливите извори на енергија, односно зелената транзиција на земјата, воведувајќи значителни рестриктивни мерки против домашните традиционални производители на енергија – пред се до секторот нафта и гас и нивните проекти од кои некои се замрзнати, а некои не добиваат дозволи за почеток на работа.