БРАЗИЛ – Видео платформата Јутјуб отстрани видеа од каналот на бразилскиот претседател Жаир Болсонаро, поради наводно ширење дезинформации за пандемијата на корона вирусот.
Јутјуб во соопштението за јавноста соопшти дека одлуката е донесена „по внимателно разгледување“ и без да се разгледа работата или политичката идеологија на Болсонаро, пишува Гардијан.
Конзервативниот воен капетан Болсонаро е критикуван за рекламирање на недокажани лекови, ширење сомневања за вакцината против ковид и избегнување носење заштитна маска.
Од кабинетот на претседателот сè уште немаат коментар.
Минатата година социјалните мрежи Твитер и Фејсбук отстранија снимки од Болсонаро поради наводно кршење на условите за користење, откако тој се спротивстави на препораките на глобалните експерти за јавно здравје.
Јутјуб каналот на Болсонаро ги објавува неговите неделни видеа во кои тој ги поканува министрите, поставува прашања и зборува за своите ставови.
За време на разговорите, кои исто така се појавуваат на неговиот Фејсбук профил, тој редовно предизвикува сомнежи за сериозноста на вирусот и ограничувачките мерки.