Македонскиот репрезентативец Езѓјан Алиоски имаше вербална „пресметка“ со австрискиот напаѓач Марко Арнаутовиќ за време на дуелот од ЕУРО. При постигнувањето на голот, Арнаутовиќ нешто му дофрли на Алиоски.
УЕФА поведе постапка против Арнаутовиќ, а му се заканува дури и суспензија од ЕУРО.
Алиоски денеска на обраќање на новинарите кажа дека не знае што му рекол Арнаутовиќ во таа гужва, но дека после натпреварот разговарале и си пружиле рака.
„Во целата таа гужва и врева, не знам што ми кажа Арнаутовиќ. Важно е што после натпреварот разговаравме и си подадовме рака. Сакам да кажам дека во текот на сите натпревари, такви вербални дуели се случуваат и ова не е ништо невобиичаено“, рече Алиоски.