ВАШИНГТОН – Претставничкиот дом на Соединетите американски држави во вторникот донесе резолуција во која се прогласи масакрот на Ерменците во Отоманската империја од 1915 до 1923 година, за геноцид, пренесува Ројтерс.
Геноцидот врз Ерменците е веќе признат од парламентите на многу земји во светот, вклучително и францускиот, германскиот, италијанскиот, рускиот и канадскиот.
Претставничкиот дом на Конгресот на САД, во кој демократите имаат мнозинство, ја донесе одлуката со 415 гласови „за“ и 11 против резолуцијата, во која се вели дека американската политика „ќе ги отфрли сите напори за поврзување на американската влада со напорите за негирање на постоењето на ерменскиот геноцид или геноцид во целина“. и дека тоа ќе го „поттикне образованието и јавното разбирање“ за извршениот ерменски геноцид.
Турција која остро негира дека станува збор за геноцид против Ерменците, преку Министерството за надворешни работи ја отфрли резолуцијата на Претставничкиот дом на САД.
Во изјавата на Анкара се вели дека резолуцијата е „очигледно подготвена и објавена за внатрешна употреба и нема лична историска или правна основа“, објави новинската агенција „Анадолија“.
Турција смета дека резолуцијата е „политички чекор без значење“ и „одмазда“ на Анкара за воената операција што ја започна Турција пред две недели против сириските Курди.
Претходно, во усвојување на таква резолуција, американскиот Конгрес беше блокиран поради загриженоста дека може дополнително да ги искомплицира односите со Турција како важен сојузник во НАТО.
Според западните агенции, климата во Конгресот се смени откако Турција го купи рускиот ракетен систем С-400 и започна офанзива против Курдите во Сирија.
Кратко време по усвојувањето на резолуцијата, Претставничкиот дом со огромно мнозинство – со 403 „за“ и 16 „против“ го поддржа усвојувањето на санкциите за Турција за воената акција во северна Сирија.
Одредбата бара замрзнување на имотот на високи турски официјални претставници во САД и забрана за продажба на оружје на Турција.
Турција го повика американскиот амбасадор на разговор
Американскиот амбасадор во Турција, Дејвид Сатерфилд беше повикан во турското Министерство за надворешни работи на разговор, откако Претставничкиот дом на САД г0 призна масовното страдање на Ерменците како геноцид и повика на санкции за Турција поради операциите во Сирија.
Турција призна дека 1,5 милиони Ерменци кои живееле во Отоманската империја биле убиени за време на судирите со османлиските сили за време на Првата светска војна, но негирале дека убиствата биле систематски организирани и геноцид, пренесува Ројтерс.
Претставничкиот дом на САД помина синоќа, со 405 гласови „за“ и 11 „против“, резолуција со која се потврдува официјално дека масакрот на Ерменците пред еден век од Отоманската империја е геноцид.