Белоруските граничари собориле дрон на границата со Литванија, кој се движел од соседната земја кон територијата на Белорусија, соопшти денеска Државниот граничен комитет на таа земја.
„Со цел да се спречи нарушување на воздушниот простор и да се потиснат нелегалните активности, граничарите отвориле оган кон воздушната цел, а дронот е соборен“, се вели во соопштението на телеграм каналот на Државниот граничен комитет, пренесува ТАСС.
Според соопштението, инцидентот се случил вечерта на 13 април на границата со Литванија, а беспилотното летало кое од литванска страна се движело кон територијата на Белорусија го забележала граничната патрола за време на службата.