Стотици бегалци и мигранти се видени во северозападна Турција, на трасата до границата со Грција и Бугарија, јавуваат турските медиуми, откако Анкара објави дека повеќе нема да ги задржува сириските бегалци, чиј број би можел драматично да се зголеми како резултат на сириската офанзива во Идлиб.
Турција во четвртокот соопшти дека 33 турски војници загинале во воздушните напади од страна на сириската влада во северозападната провинција Идлиб. Сепак, еден турски официјален претставник за Ројтерс изјави дека турската полиција и крајбрежната стража нема да ги приведе бегалците кои сакаат да доаѓаат во ЕУ преку море или копно.
Новинската агенција Демирорен известува дека околу 300 мигранти, вклучително и жени и деца, се движи кон турската провинција Едирне, која граничи со Бугарија и Грција. Сиријци, Иранци, Ирачани, Пакистанци и Мароканци се во таа група, рече тој.
Göçmenler sınır kapılarına doğru ilerliyor. pic.twitter.com/YysvyLyQEf
— Orhan Atak (@orhannatak) February 28, 2020
Исто така, се вели дека мигранти се собрале во општината Ајвачик, лоцирана на Егејското Море во покраината Чанакале. Групата, наводно, сакала да стигне до грчкиот остров Лезбос со брод. Ројтерс не потврди кој ја сочинува оваа група на луѓе и каде се упатуваат.
Видеата на мигрантите емитувани од провладините телевизии во Турција исто така не се верификувани.
Турскиот претседател Реџеп Таип Ердоган во неколку наврати се закануваше дека ќе им дозволи на мигрантите да се преселат во Европа, иако и вети на Европската унија во 2016 година дека ќе ги задржи мигрантите.
Околу еден милион сириски бегалци се наоѓаат во близина на турската граница од декември, поради офанзивата на сириската влада против бунтовниците поддржани од Анкара.
Турската телевизија НТВ објави статија во која се гледаат луѓе со ранци како шетаат по полињата.
НТВ наведе дека тие се обиделе да го преминат граничниот премин Капикуле и да влезат во Бугарија, но не им било дозволено да го сторат тоа и после тоа се обиделе да го преминат граничниот премин Пазаркула и да заминат во Грција, но не е јасно што се случило со таа група мигранти потоа.