На украинските власти не им требаат жителите на Донбас, туку само празна територија со ресурси, изјави портпаролката на руското Министерство за надворешни работи, Марија Захарова.
Јасно ни е каква опасност би им се заканувала на жителите на тој регион во случај режимот на Киев да го оствари својот сон – тие едноставно би биле уништени. Тоа го потврди и претседателот Зеленски кога неодамна рече: „Кој не го сака Донбас, а тоа значи да живее според правилата на Киев, нека ги спакува куферите и нека си оди“. Не им требаат луѓе кои би живееле во една украинска држава, потребна им е празна територија со ресурси, ослободена од оние луѓе кои не дозволиле да бидат потчинети – рече Захарова на редовниот брифинг со новинарите.
Конфликтот во источна Украина трае речиси осум години и за тоа време, според податоците на ОН, загинале над 13.000 луѓе, а околу 44.000 биле повредени.
Соединетите Држави и другите земји од НАТО ги подгреваат тензиите во Донбас со снабдување со оружје за Украина и испраќање воени инструктори. Москва постојано бараше регионот да престане да пумпа оружје, бидејќи тоа би можело да го поттикне Киев на воени авантури.