ИЗРАЕЛ вчера постави нов дневен рекорд од 65.259 нови инфекции, а во исто време се водеше сериозна дискусија за укинување на ковид потврдитрд. Израелскиот министер за финансии Авигдор Либерман се изјасни против ковид потврдите наречени зелени пропусници во Израел, пренесува The Jerusalem Post.
Либерман вчера и се обрати на јавноста со премиерот Нафтали Бенет и министерот за здравство Ницан Хоровиц, велејќи дека повеќе од 25 милиони домашни брзи антигенски тестови ќе бидат дистрибуирани до Израелците. Тој потоа твитна за ковид потврдите.
„Нема медицинска или епидемиолошка логика во зелените пропусници, има штета на економијата и голем придонес за создавање паника.
„Нема медицинска или епидемиолошка логика во зелените пропусници, како што заклучуваат многу експерти. Она што постои е директна штета на економијата, секојдневното функционирање и, дополнително, значителен придонес за јавна паника. Работам со сите засегнати страни на елиминирање на зелените пропусници и одржување нормална рутина, за сите нас“, напиша тој.
Според зелениот режимот кој моментално е на сила во Израел, само луѓето кои биле вакцинирани, болни или тестирани претходниот ден (во последните 72 часа во исклучителни случаи) имаат пристап до некои активности и капацитети, а во некои случаи и на работното место.
Со ширењето на омикронот, нагло се зголеми бројот на заразени иако се вакцинирани или веќе претходно заразени со вирусот.
Укинувањето на потврдите за ковид би било една од најдраматичните промени во тоа како Израел се бори со пандемијата
Здравствените службеници и експерти, вклучително и генералниот директор на Министерството за здравство, Нахман Еш, рекоа дека вакцинацијата и закрепнувањето продолжуваат да нудат одреден степен на заштита и дека системот за сертификација на ковид треба да се одржува. Сепак, тие исто така признаа дека во одреден момент прашањето можеби ќе треба да се преиспита.
Доколку се укине зелениот режим, тоа би било една од најдраматичните промени во начинот на кој земјата се бори со пандемијата.
Претходно истиот ден, Еш рече дека Израел сè уште не го видел врвот на бранот омикрон.
„Верувам дека кулминацијата ќе дојде за една недела или повеќе“, изјави тој за Радио FM103. „Сепак, гледаме и дека бројот на хоспитализирани сè уште расте, но растот забавува“, рече тој.
Израелскиот клучен човек за вакцинација: Кога станува збор за омикрон, практично не гледаме разлика помеѓу вакцинирани и невакцинирани
Сирил Коен, еден од советниците за вакцинација на израелската влада и раководител на одделот за имунологија на Универзитетот Бар Илан, вчера изјави за UnHerd дека зелените пропусници станале „неважни“ во времето на доминацијата на омикронот и дека очекува тие наскоро да бидат укинати.
„Кога станува збор за омикрон, ние практично не гледаме никаква разлика помеѓу вакцинирани и невакцинирани, и обете можат да бидат заразени повеќе или помалку подеднакво“, рече тој.
„Треба да разберете дека зелените пропусници, што не е тајна, не се неопходни само за да се спречи преносот на вирусот. Тие се таму и за да ги охрабрат луѓето да се вакцинираат. И не би сакал да зборувам за политичките аспекти на зелениот режим сега, но тоа е реалност“, рече тој. е Коен.