Италијанските граѓани почнаа масовно да ги палат сметките за струја на улиците на Неапол по трикратното зголемување на тарифите, пренесува националното издание АНСА.
Според авторитетното издание, претставници на движењето на невработените организирале демонстрации против наглото поскапување на струјата во земјата, при што биле запалени и последните сметки за комунални услуги.
„Уморни сме од ветувања. Со години чекаме работа, а денес не можеме да ги платиме овие бројки, кои се тројно зголемени“ , извикуваа демонстрантите.
Покрај тоа, еден од демонстрантите нагласи дека во моментов неговото семејство е на работ на преживување. Според него, за него се неподносливи сметките што ги издаваат комуналните претпријатија.
Претходно беше објавено дека во позадината на растот на цените на енергијата во Европа, значително е зголемен ризикот од масовни немири во 101 земја во светот.