Рускиот претседател Владимир Путин испрати писмо до Ким Јонг Ун, лидерот на Северна Кореја, во кое го повика да ја „прошири сеопфатната и конструктивна соработка“.
Путин го испратил писмото по повод Денот на ослободувањето на Северна Кореја, а како што јави КЦНА, претседателот на Русија во него изјавил дека „подобрите односи ќе бидат во интерес на двете земји и ќе придонесат за зајакнување на безбедноста и стабилноста на Корејскиот полуостров и целиот регион на североисточна Азија“.
Одговарајќи на писмото од рускиот претседател, Ким Џонг Ун изјави дека пријателството меѓу двата народа е создадено во Втората светска војна со победата над Јапонија.
Нашето пријателство ќе се зајакне и ќе се развива. Стратешката и тактичката соработка, поддршката и солидарноста меѓу двете земји се поставени високо и на заеднички фронт, фрустрирајќи ги непријателските нации, нивните воени закани и провокации – изјави Ким Јонг Ун.
Руската новинска агенција Регнум неодамна објави, повикувајќи се на добро информирани извори, дека соработката меѓу Москва и Пјонгјанг наскоро би можела значително да се прошири, пред се во однос на воените операции во Украина.
Имено, режимот во Пјонгјанг наводно јасно и ставил до знаење на Русија дека е подготвена да понуди 100.000 војници во замена за жито и енергија.
In a letter from Kim Jong Un to Vladimir Putin, the North Korean leader said the "strategic and tactical cooperation, support and solidarity" between the two countries had reached a new level https://t.co/2L5QpN4mjn
— Sky News (@SkyNews) August 15, 2022
Северна Кореја преку дипломатски канали и стави до знаење на руската страна дека е подготвена да обезбеди работници за поправка на воените штети, но и дека е подготвена да обезбеди човечка сила за борба. Тие војници ќе бидат распоредени во Доњецк и Луганск, кои Северна Кореја ги призна како независни држави – наведува агенцијата Регнум.
Рускиот експерт за одбрана Игор Коротченко изјави за државната телевизија дека властите не треба да бидат срамежливи и да ја прифатат понудата испратена од Ким Јонг Ун.
– Има информации дека 100.000 војници од Северна Кореја се подготвени да дојдат да се борат – рече тој и продолжи:
– Луѓето од Северна Кореја се многу издржливи и не се захтевни. Најважно е да се мотивирани. Не треба да се срамиме да ја прифатиме раката на соработка што ни ја подаде Ким Јонг Ун. Ако Северна Кореја сака да ја исполни својата меѓународна обврска да се бори против украинските фашисти, треба да дозволиме.