Париз – Макрон рече дека е подготвен да го разгледа предлогот на рускиот лидер Владимир Путин за воведување на мораториум за распоредување ракети со среден и краток дострел во ЕУ.
Ова го пишува весникот „Франкфуртер алгемајне“, кој имаше увид во писмото испратено од францускиот претседател до Путин.
Според германскиот весник, на 23 октомври Макрон испратил одговор во кој се наведува дека иницијативата на Путин треба внимателно да се испита во билатералните и мултилатерални формати.
Кон крајот на септември, портпаролот на рускиот лидер Дмитриј Песков изјави дека Путин им испратил писмо на шефовите на „главните држави на Европа и Азија“ за проблемот со ракетите од среден и краток дострел. НАТО го потврди приемот на писмото, но лидерите на Алијансата не сметаа дека предлогот заслужува разгледување.
Претходно, француски лидер во интервју за „Економист“ рече дека „НАТО целосно ја изгуби координацијата во рамките на Алијансата, што може да се карактеризира како мозокочна смрт“.
Договорот за ликвидација на ракетите од среден и краток дострел истече на втори август. Инициран беше од САД, кои ја обвинија Русија дека не го почитува договорот, додека Москва ги негираше сите обвинувања.
Експертите стравуваат дека тоа би можело да предизвика нова трка во вооружувањето, пишува Спутник .