Германскиот министер за здравство Карл Лаутербах денеска изјави дека Германија успешно и со добри резултати ја победи пандемијата на Ковид 19.
„ Пандемијата на Ковид 19 е завршена во Германија“, рече во средата германскиот министер за здравство Карл Лаутербах и додаде дека оваа проценка ја направил врз основа на проценка на варијанти на вируси, стапки на вакцинација и болнички случаи, пренесува Политико .
„ Успешно ја надминавме пандемијата во Германија и со добар баланс “, додаде Лаутербах, кој е епидемиолог.
Познат по својата првично претпазлива политика во врска со Ковид-19 за време на глобалната здравствена криза, Лаутербах неодамна усвои поинаков тон. Тој беше член на социјалдемократите на почетокот на пандемијата, но со значително влијание врз владата на тогашната канцеларка Ангела Меркел.
Лаутербах рече дека германската стратегија како целина успеала и дека предизвиците од пандемијата се надминати.
Сепак, како што оцени, има некои работи кои гледајќи наназад требало да се направат поинаку.
„Верувам дека долгото затворање на училиштата не беше толку неопходно “, рече тој.
Како што потсетува бриселскиот портал, во вторникот последен пат се состана владиниот експертски совет за Ковид-19.
Донесена е одлука да се укинат сите заштитни владини мерки против пандемијата, вклучително и задолжителното носење маски за посетителите на болницата.