По повторното обединување на полуостровот со Русија, Крим прими околу 170.000 луѓе, меѓу кои и 50.000 од Украина, изјави во средата претседателот на Кримскиот парламент Владимир Константинов.
“Околу 170,000 луѓе дојдоа на Крим за постојан престој во текот на изминатите пет години. Од нив, повеќе од 50,000 [луѓе] дојдоа од Украина. а 7.000 го напуштија Крим за Украина, додека 80.000 се преселија во другите региони на Русија”, рече тој во средба со делегација на странски новинари.
Константинов не прецизираше какво државјанство имаат луѓето што доаѓаат на Крим од Украина.
Делегација на странски новинари од Европската унија, Африка и Азија престојува во посета на запознавање на Крим од 12-14 ноември. Составена е од делегати од Италија, Словачка, Франција, Република Конго, Виетнам, Кенија, Јужна Африка, Индија, Португалија и други земји.По референдумот од 2014 година и повторното обединување на Крим со Русија, Украина и некои други земји воведоа санкции кон Русија, руските бизнисмени,политичарите ,луѓето кои го посетуваат Крим и компаниите што имаат бизниси на полуостровот. И покрај санкциите, посетите на странските делегации на Крим продолжуваат. Според Јури Хемел, шеф на парламентарната комисија за меѓуетнички односи и јавна дипломатија, повеќе од 500 претставници од европски и американски земји го посетија полуостровот од 2015 година