МОСКВА – Русија е подготвена да ја одигра својата улога во надминување на проблемите поврзани со испораката на храна ширум светот, изјави денеска портпаролот на рускиот претседател Дмитриј Песков, пренесува ТАСС.
Тој посочи дека ситуацијата во Украина не е таква причина за гореспоменатата криза и додаде дека „Русија ќе даде свој придонес во решавањето на кризата со храна“, наведува Тасс.
Портпаролот на рускиот претседател рече дека Русија ќе биде подготвена да вложи максимални напори за да обезбеди украинското жито да стигне на светските пазари.