Повеќето германски државјани го отфрлаат прифаќањето на малолетни бегалци од грчките острови на кое повикуваат од Зелената партија, според анкетата на јавното мислење.
„Околу 51 процент од анкетираните се против прием на малолетни бегалци од грчките острови, 39 проценти се за. Останатите анкетирани немаат мислење за ова прашање“, се вели во анкетата на институтот за јавно мислење Сивеј за дневниот весник „Аугсбургер алгемајне“.
Понатаму, се забележува дека разликата во односот кон бегалците е особено забележлива кога се смета политичката заложба на испитаниците. Меѓу гласачите на Демократската унија и Христијанската социјална унија (ЦДУ / ЦСУ), 71 процент се од оние што се спротивставија на ваквата хуманитарна акција.
Гласачите на либералната ФДП со 75 проценти, исто така, се спротивставуваат на прифаќање на нови бегалци, со најголем процент од оние кои одбиваат вакви постапки (96 проценти) се кај гласачите на национално-популистичката Алтернатива за Германија (АфД).
Зелените (69%) и Социјалдемократите (59%) со големо мнозинство се за прием на малолетни бегалци.
Бундестагот во четвртокот вечерта го отфрли барањето на Зелената партија за пренесување на 5.000 бегалци од грчките острови во Германија, вклучително и придружувани малолетни лица, бремени жени и жени со деца.
Партиите на владејачката коалиција „Демохристијани- социјалдемократи“, истакнаа дека не се спротивставуваат на идејата за помош на бегалците во Грција, туку се спротивставуваат на „самостојните акции“ на Германија без решение на ниво на Европската унија.
За време на бегалскиот бран од 2015 и 2016 година, Германија прифати над еден милион бегалци, предизвикувајќи бројни социјални процеси и промена на политичкиот пејзаж на Германија со порастот на популарноста на популистите и падот на популарноста на етаблираните партии.