Европа

Полскиот премиер ја обвини ЕУ за империјалистичко однесување

Матеус, Моравец, Полјак, премиер

БЕРЛИН – Полскиот премиер Матеуш Моравјецки ја обвини Европската унија за империјалистичко однесување кон помалите земји-членки во текст објавен денеска на веб-страницата на германски „Велт“.

„Политичката практика покажа дека позициите на Германија и Франција се поважни од сите други“, напиша Моравјецки во напис за германскиот весник „Велт“ и повика на пристап кој повеќе се заснова на консензус.

Како што рече полскиот премиер, тие имаат работа со формална демократија и де факто олигархија во која власта ја имаат најсилните и додаде дека мора да се бори против империјализмот на ЕУ, како и против рускиот империјализам.

Премиерот, чија националистичка влада постојано се судрува со Брисел околу прашањата за владеењето на правото, рече дека рускиот напад врз Украина ги истакна недостатоците на ЕУ.

Тој повика на „фундаментална реформа која ќе ги врати општото добро и еднаквоста на првите редови на принципите на унијата“.

Политичарите од полската владејачка партија рекоа дека Варшава може да и се одмазди на ЕУ доколку земјата не го добие својот дел од средствата за закрепнување од пандемијата на коронавирус.

Related posts

Leave a Comment