Ова е прва посета на Помпео во Русија како државен секретар на САД
Американскиот државен секретар Мајкл Помпео смета дека има потреба да се најде пат во односите со Русија, како што тој сам напиша на Твитер пред неговата посета на Сочи.
“Моите состаноци во Русија ќе ги нагласат бројните важни теми, а за некои прашања можеме да се согласиме, за други можеме да не се согласуваме, но кога е во наши национални интереси, нашата одговорност е да пронајдеме пат”, пишува весникот Гардијан.
Ова е прва посета на Помпео во Русија како државен секретар на САД. Додека во Сочи, се очекува да оствари разговори со рускиот министер за надворешни работи, Сергеј Лавров. Рускиот претседателски портпарол Дмитриј Песков, пак, рече дека Путин ќе се сретне со Помпео.
Американскиот државен секретар во интервју за CNBC изјави дека планира да разговара околу ситуацијата во Венецуела за време на неговата посета на Русија и да се обиде да најде заедничко решение со Москва за Сирија и Авганистан.
Лавров претходно нагласи дека разговорите во Сочи ќе се фокусираат на изгледите за проширување на Новиот СТАРТ (Договор за намалување на стратегиското оружје). Рускиот висок дипломат додаде дека тој исто така би сакал Помпео да ги објасни ставовите на Вашингтон за излез од ситуацијата околу Заедничкиот сеопфатен акционен план (ЈЦПОА) за иранската нуклеарна програма.