Албанскиот премиер Еди Рама рече дека политичарите во Приштина, спротивставувајќи се на заедничката иницијатива за создавање на балканскиот „мини Шенген“, ја загрозуваат надворешната политика на Албанија за нејзините домашни политички интереси.
Еди Рама за албанската телевизија Топ Канал изјави дека долго време му објаснувал на Албин Курти, лидерот на самоопределување и кандидатот за премиер на привремените приштински институции, за значењето на процесот „мини Шенген“ и би бил многу изненаден доколку не разбере, затоа што , додаде тој, Курти е доволно интелигентен.
“Ако тој се преправа дека разбира или не разбира, тоа е негов избор, но надворешната политика со Албанија се чини дека се користи за домашна политика. Не верувам дека ова е најдобро, ќе имаме време да разговараме и да ги продлабочиме дискусиите”, рече Рама.
Коментирајќи ја изјавата на Курти за отворање на границите меѓу Албанија и Косово, тој рече дека такво нешто не може да се направи без согласност на Србија.
„Ако Курти сака да отвори граници, тогаш тој мора да се согласи со сите држави“, рече Рама.
Албанскиот премиер исто така рече дека раководството на Приштина не го прашало за мислење при одлучувањето да се наметне данок на стока од Србија, но дека тој искрено ја поддржувал одлуката, пред се како акција што треба да има политички, а не економски ефект.