Стотици лути демонстранти, некои носејќи огнено оружје, се собраа во државната зграда во Мичиген – Лансинг во четвртокот во знак на протест против барањето на гувернерот Гретчен Витмер за продолжување на вонредната состојба за борба против пандемијата на коронавирус.
Протестите се случија откако државните законодавци дебатираа за мерка што го одбиваше барањето на гувернерот и гласаа да одобрат тужба со која се оспорува нејзиниот авторитет и активности за борба против пандемијата.
Во еден момент за време на расправата на законодавството, десетици демонстранти – многумина без маски за лице и со пушки во рацете – влегоа во Капитол и побараа да бидат пуштени во зградата на сенатот, која беше затворена за јавноста за да се овозможи простор за претставниците и известувачите да се разделат. Толпата викаше: „Пуштете не внатре“, додека државите полицајци со маски на лицата ги блокираа.
На демонстрантите им беше дозволено да влезат во државниот Сенат и да останат за време на седницата и да почекаат законот да биде донесен.
Носењето огнено оружје е законски дозволено во државнат зграда Капитол во Мичиген, веќе некое време.
Протестот во државата се чини дека е најголем од 15 април, кога приврзаниците и сојузниците на претседателот Доналд Трамп организираа илјадници луѓе за „Операцијата Гридлок“, запоседнувајќи ги улиците на Лансинг со своите автомобили за да го одповикаат, како што рекоа, строгиот закон на Витмер за домашен притвор.
Тоа беше еден од првите големи собири во земјата кој предизвика бран на слични настани на национално ниво.
Бавното повторно отворање на државните економии низ целата земја презема политички призвук, бидејќи републиканските политичари и поединци поврзано со реизборот на Трамп, промовираа протести во многу клучни избирачки држави како Мичиген.
„Гувернерот Витмер и нашиот државен законодавен дом завршија. Отворете ја оваа држава “, се обрати Мајк Детмер, републикански кандидат за американскиот Конгрес пред насобраните. „Да ги вратиме деловните активности повторно. Ајде да осигураме работни места на кои ќе им се вратиме “.