Поставувањето „демократски стандарди“ според американскиот модел е недемократско, изјави кинескиот државен советник и министер за надворешни работи Ванг Ји во разговор со претставници на медиумите, пренесува Ксинхуа.
Таканаречениот „Самит за демократија“ што го одржа САД минатата година, исклучи речиси половина од светските земји. Тоа само по себе е напад на духот на демократијата и повторното одржување на таков самит не би било популарно, рече Ванг на прес-конференција во понеделникот.
Човечката цивилизација, ако ја споредиме со градина, треба да биде разновидно место каде што демократиите во различни земји цветаат како стотици цвеќиња, заклучи тој.
Ванг рече дека мешањето во внатрешните работи на другите земји во име на демократијата само ќе им наштети на граѓаните на тие земји.
„Поставувањето на сопствениот систем на пиедестал не само што е спротивно на духот на демократијата, туку е и катастрофа за демократијата“, додаде кинескиот министер.