ЊУЈОРК – Долгогодишниот судски форензички патолог Мајкл Бејден, ангажиран од братот на Џефри Епштајн, рече дека некои докази покажуваат дека Епштајн бил задушен.
Тоа би значело дека тој не се обесил во затворската ќелија, како што беше претходно објавено.
Бејден изјави за „Фокс њуз“ дека изразил сомнеж во наодите на њујоршките патолози,во кои се тврди дека тој се самоубил со бесење.
Извештајот за обдукција предизвика многу шпекулации за смртта на Епштајн.
Бејден рече дека стои „цврсто“ зад своите наоди, затоа што не видел вакви видови на повреди на самоубиства во својата 50-годишна кариера. Епштајн имал скршеници на гркланот и сублингвалните коски. Сепак, тој предупреди дека неговите заклучоци не се конечни.
На 10 август, Епштајн беше пронајден мртов во својата ќелија во затворот Метрополитен, со постелнина околу вратот.
Тој во затворот во Менхетен чекаше судење за сексуална злоупотреба на малолетни девојчиња .
Американскиот милијардер претходно беше под надзор поради сомнение дека може да се самоубие откако беше пронајден во неговата ќелија со модринки на вратот.
Претходно, медиумите објавија дека Епштајн бил добро поврзан со богати и моќни луѓе, вклучувајќи ги и претседателите Доналд Трамп и Бил Клинтон, како и британскиот принц Ендру.