На денешниот 9 мај се одбележува Денот на победата над фашизмот. Пред 76 години заврши Втората Светска Војна со капитулација на нацистичка Германија пред налетот на силите на антифашистичката коалиција.
Клучната операција која доведе до конечен пораз на нацистите, самоубиство на Хитлер и пад на престолнината на Третиот Рајх се одвиваше од 16 април до 2 мај. Силите на Црвената армија, со големи жртви, успеаја да го освојат градот и да му го нанесат конечниот пораз на нацизмот.
Меѓу другото, 9 мај треба да послужи и како потсетник дека фашизмот во Европа и во светот никогаш не е искоренет и вистински поразен и дека против него треба да се бориме и денес, секојдневно, бидејќи антифашизмот, рамноправноста и почитта меѓу луѓето без оглед на нацијата, верата, расата, полот и сексуалната ориентација се цивилизациски текови и вредности кои мораат да се негуваат.