Италијанската полиција во четвртокот соопшти дека открила заговор за формирање нова нацистичка партија.
Повеќе парчиња оружја беа запленети при претресите низ целата земја.
Пред две години полицијата започна истрага во 16 града од Сицилија до Алпите, пренесува Ројтерс.
Истрагата откри огромна и разновидна низа субјекти и жители на различни места, обединети од истиот идеолошки фанатизам, подготвени да создадат едно отворено про-нацистичко, ксенофобично и антисемитско движење, се вели во полициското соопштение.
Тие не посочиле колку лица се приклучиле на групата или колку лица биле уапсени.
Новата партија беше наречена италијанска Национална социјалистичка работничка партија и полицијата покажа бројни нацистички предмети, вклучително и кукасти крстови и слики од Адолф Хитлер, кои таа ги заплени за време на претресот на 19 објекти.
Пронајдени се и поголеми количини на оружје, вклучувајќи пиштоли, ловџиски пушки и самострели.
Групата воспоставила врски со екстремистичките групи во странство, во Португалија, Велика Британија и Франција, соопшти полицијата.