Односите меѓу Русија и Кина ќе се зајакнат како резултат на актуелната политичка ситуација, изјави рускиот министер за надворешни работи Сергеј Лавров.
„Во време кога Западот очигледно ги поткопува сите основи на меѓународниот систем, се разбира дека ние – како две големи сили – мора да размислуваме како да продолжиме во овој свет“, рече Лавров, цитиран од руската новинска агенција Интерфакс.
Во телефонски разговор во петокот, американскиот претседател Џо Бајден го предупреди кинескиот лидер Си Џинпинг за „импликациите и последиците“ за Кина доколку Пекинг ја поддржи Русија во војната, соопшти Белата куќа.
Кинеските државни медиуми објавија дека Си ја опиша војната како „ничиј интерес“, но не се споменува директна критика на претседателот Путин.
Според неколку неодамнешни западни медиумски извештаи, Русија побарала од Кина воена опрема за поддршка на нејзината операција во Украина, што беше веднаш демантирано од руска страна.