Лидерот на ВМРО-ДПМНЕ, Христијан Мицкоски, рече дека денеска партијата ќе соопшти ново име за технички министер во МВР. Како што рече Мицкоски, најпрвин ќе направи телефонски консултации со премиерот Заев и со лидерот на ДУИ, по што ќе следува и официјално објавување на новиот предлог.
Како што рече Мицкоски, новото име не е член на партијата.
До ова дојде откако владата го одби како неуставен предлогот на ВМРО-ДПМНЕ Драган Ковачки кој доаѓа од АРМ да биде на чело на МВР.
Ако денеска биде прифатен кандидатот за технички министер за внатрешни работи тогаш според најавите владата ќе биде формирана утре.