Поранешниот потпретседател и кандидат за номинација за претседател на САД, Џо Бајден, беше одбиен од Светата причест во неделата, кога пристигнал во црква во Јужна Каролина, поради неговиот став за абортусот.
Според информациите од „Морнинг Њуз“ од Јужна Каролина, инцидентот се случил во градот Фиренца. Отец Роберт Е. Мореи изјави за еден локален весник дека „морал да му ја одбие Светата причест на поранешниот потпретседател Џо Бајден“.
“Светата причест значи дека сме едно со Бога, едни со други и со Црквата. Нашите постапки треба да го одразуваат ова. Секоја јавна личност која се залага за абортус е ставена надвор од црковното учење … Јас ќе го задржам господинот Бајден во моите молитви”, рече свештеникот во својата изјава. До овој момент, канцеларијата на Бајден не ја коментираше одлуката.