Москва му ја предаде реакцијата на американскиот одговор на безбедносните гаранции на американскиот амбасадор во Русија Џон Саливан, соопшти Министерството за надворешни работи на Русија.
Главните тези од одговорот на Москва до Вашингтон во рамките на дијалогот за безбедносните гаранции:
1. САД не дадоа конструктивен одговор на сите клучни предлози на Русија, вклучително и откажување од проширувањето на НАТО, отворање бази на територијата на поранешните советски републики.
2. Москва инсистира американските трупи да бидат повлечени од Централна, Источна Европа и Балтикот.
„Сигурни сме дека во тие зони има доволно национален потенцијал. Подготвени сме да разговараме на оваа тема врз основа на членовите 4 и 5 од рускиот нацрт-договор“, се вели во текстот.
3. „Црвените линии“, како и правото на Русија да ги брани, сè уште се игнорираат. САД и НАТО ја зголемуваат воената активност на руските граници.
4. Таа предлага идејата за воведување мораториум на ракетите со среден и краток дострел во Европа практично да се реализира во рамките на безбедносните гаранции. Се наведува дека Москва „го смета овој проблем како еден од приоритетите во руско-американскиот дијалог“.
5. Русија очекува конкретни предлози од САД и НАТО за содржината и формите на легално повлекување на Алијансата од проширувањето на исток.
6. Предлозите на Русија за безбедносните гаранции треба да се разгледаат во целост, без да се истакнуваат поединечни точки.